துள்ளுவதோ இளமை படம் மூலம் தனுஷ் நடிகராகவும், செல்வராகவன் இயக்குனராகவும் தமிழ் சினிமாவில் அறிமுகமானார்கள். இப்படம் ரசிகர்கள் மத்தியில் நல்ல வரவேற்பை பெற்று வெற்றி பெற்றதையடுத்து இவர்கள் கூட்டணியில் அடுத்தடுத்து காதல் கொண்டேன், புதுப்பேட்டை, மயக்கம் என்ன ஆகிய படங்கள் வெளியாகி மாபெரும் வெற்றிபெற்றன.
இதையடுத்து இவர்கள் கூட்டணி படத்துக்கென்றே தனி ரசிகர் பட்டாளம் உருவானது. இந்நிலையில் செல்வராகவன் அடுத்ததாக இயக்கவுள்ள படத்தில் மீண்டும் தனுஷ் நாயகனாக நடிக்கவுள்ளார். செல்வராகவனின் 12 வது படமாக உருவாகும் இப்படத்தின் டைட்டில் லுக் போஸ்டர் பொங்கல் அன்று வெளியாகி நல்ல வரவேற்பினை பெற்றது.
கலைப்புலி எஸ் தாணு தயாரிக்கவுள்ள இப்படத்திற்கு ‘நானே வருவேன்’ பெயரிடப்பட்டுள்ளது. இப்படத்திற்கு யுவன் சங்கர் ராஜா இசையமைக்கவுள்ளார். அதனையடுத்து இப்படத்தில் தனுஷுக்கு ஜோடியாக இரு கதாநாயகிகள் நடிக்கவுள்ளதாக சொல்லப்படுகிறது.
இதில் ஒரு கதாநாயகியாகக நடிகை தமன்னா நடிக்கயிருப்பதாக தகவல் வெளியாகியுள்ளது. இவர்கள் இருவரும் வேங்கை, படிக்காதவன் படங்களில் இணைந்து நடித்திருந்தது குறிப்பிடத்தக்கது.