வெளியானது ஈஸ்வரன் படத்தின் டிரைலர்..!

சுசீந்திரன் இயக்கத்தில் நடிகர் சிம்பு ஈஸ்வரன் என்ற படத்தில் நடித்துவருகிறார். இப்படத்திற்கு தமன் இசைமைத்துள்ளார். அதனை தொடர்ந்து நடிகர் சிம்பு இந்த படத்தில் ஒரு மாத  காலகட்டத்தில் நடித்து முடித்துள்ளதால், அவரின் சினிமா  வாழ்க்கையில் மிக குறுகிய காலகட்டத்தில் நடித்துள்ள படமாக இது பார்க்கப்படுகிறது.

அண்மையில் படத்தின் இசை வெளியாகி ரசிகர்களிடையே நல்ல வரவேற்பினை பெற்றுள்ளது. அதனையடுத்து ஈஸ்வரன் திரைப்படம் ஜனவரி 14 ஆம் தேதி பொங்கல் அன்று திரைக்கு வரவுள்ளநிலையில்  சிறு முன்னோட்டமாக படத்தின் ட்ரைலரை படக்குழு வெளியிட்டுள்ளது. அதிரடி பன்ச் வசனங்கள் நிறைந்த இந்த ட்ரைலர் இணையத்தில் வைரலாகி வருகிறது.