நயன்தாராவிற்கு அன்னையர் தின வாழ்த்துக்கள் கூறிய இயக்குனர் விக்னேஷ் சிவன்.
நேற்று (மே 10) அன்னையர் தினம் கொண்டாடப்பட்டது. சமூக வலைதளம் முழுக்கவே அன்னையர் தின வாழ்த்துகளைக் காண முடிந்தது. திரையுலகப் பிரபலங்கள் பலரும் தங்களுடைய அம்மாவின் புகைப்படங்களைப் பகிர்ந்து வாழ்த்துகளைத் தெரிவித்திருந்தனர்.
நேற்று கொண்டாடப்பட்ட அன்னையர் தினத்துக்காக முதலில் தன் தாயைப் பற்றி ஒரு பதிவு எழுதினார் விக்னேஷ் சிவன். இதன்பிறகு நயன்தாராவின் தாயின் புகைப்படத்தை வெளியிட்டு அவருக்கும் வாழ்த்து கூறினார். அடுத்ததாக நயன்தாராவின் புகைப்படத்தையும் வெளியிட்டு, என் வருங்காலக் குழந்தைகளின் அன்னைக்கு வாழ்த்துகள் என்று குறிப்பிட்டுள்ளார்.
வழக்கம்போல ஒரு தரப்பு நெட்டிசன்கள் வாழ்த்தியும் மறுதரப்பு நெட்டிசன்கள் “என்னது நயன்தாரா விரைவில் தாயாகப் போகிறாரா, சொல்லவே இல்லை” என்று கலாய்த்தும் வருகின்றனர்.