2020-2021 ஆண்டுக்கான வருமான வரி கணக்கை தாக்கல் செய்வதற்கான கால அவகாசம் டிசம்பர் 31ஆம் தேதி வரை நீட்டிப்பு

2020-2021 ஆண்டுக்கான கணக்கை வருமான வரி அலுவலகத்தில் தாக்கல் செய்ய தனிநபர்களுக்கு செப்டம்பர் 30-ந்தேதி கடைசி நாள் ஆகும். கம்பெனிகளுக்கு நவம்பர் 30-ந்தேதி கடைசி நாள் என வருமான வரி துறை ஏற்கனவே அறிவித்திருந்தது.

இந்நிலையில், கொரோனா தொற்று காரணமாக வரி செலுத்துவோருக்கு நிவாரணம் அளிக்கும் வகையில், இந்த கால அவகாசத்தை ஒன்றிய நேரடி வரிகள் வாரியம் நீட்டித்து உத்தவிட்டுள்ளது.

அதன்படி, 2021-22 நிதியாண்டுக்கான (2020-2021 ஆண்டுக்கான கணக்கு) வருமான வரி கணக்கை தாக்கல் செய்வதற்கான கால அவகாசம் டிசம்பர் 31ஆம் தேதி வரை நீட்டிப்பு செய்துஒன்றிய நேரடி வரிகள் வாரியம் உத்தரவிட்டுள்ளது.