பாரிஸ்:-
இந்தியாவுக்கு 120 வென்டிலேட்டர்களை பிரான்ஸ் பரிசாக அளித்துள்ளது.
கொரோனா தொற்று பாதித்தோருக்கு அளிக்கப்படும் சிகிச்சைக்காக இந்தியாவுக்கு அமெரிக்கா முதல்கட்டமாக 100 வென்டிலேட்டர்களை நன்கொடையாக அளித்தது. அதே போல இஸ்ரேல் நாடு அண்மையில் 50 வென்டிலேட்டர்களை அளித்தது.
இந்நிலையில் பிரான்ஸ் 50 ஓசிரிஸ்-3 வென்டிலேட்டர்கள் (Osiris-3 ventilators), BiPAP Mode-ன் கூடிய 70 யுவெல் 830 ரக வென்டிலேட்டர்களை (Yuwell 830 ventilators) அளித்துள்ளது.
அவற்றையும் 50 ஆயிரம் உயர்தர செரோலாஜிக்கல் (High-Quality Serological) ஐஜிஜி/ஐஜிஎம் கொரோனா பரிசோதனை கிட்கள் (IgG/IgM test kits) மற்றும் 50 ஆயிரம் ஸ்வாப்களையும் (swabs) டெல்லியில் இந்தியாவுக்கான பிரான்ஸ் தூதர் இம்மானுவேல் லீனாய்ன் (Emmanuel Lenain) இந்திய செஞ்சிலுவை பொது செயலாளர் ஆர்.கே. ஜெயினிடம் அளித்தார்.
கடந்த வாரம் பிரதமர் நரேந்திர மோடிக்கு பிரான்ஸ் அதிபர் இமானுவேல் மெக்ரான் எழுதிய கடிதத்தில் இந்தியாவிற்கு பிரான்ஸ் மருத்துவ உபகரணங்கள் மற்றும் தொழில்நுட்ப உதவிகளையும் வழங்க உள்ளதாக தெரிவித்திருந்தார்.