ரூ.2000 நோட்டுக்கள் குறித்து பரப்பப்படும் தகவல்களுக்கு ரிசர்வ் வங்கி முற்றுப்புள்ளி வைத்துள்ளது.
கடந்த 2016ம் ஆண்டு பண மதிப்பிழப்பு நடவடிக்கையில் மத்திய அரசு ரூ.500 மற்றும் ரூ.1000 ஆகியவை செல்லாது என அறிவித்தது. அதற்கு பதிலாக புதிய ரூ.500 நோட்டும், ரூ.2000 நோட்டும் ஆர்.பி.ஐ. அறிமுகப்படுத்தியது.
இந்நிலையில் 2000 ரூபாய் நோட்டுகள் குறித்து பல்வேறு தகவல்கள் அவ்வப்போது வந்த வண்ணம் உள்ளன.
இதற்கிடையில் இந்தியன் வங்கி மார்ச் 1ம் தேதி முதல் ஏடிஎம் பணப்பரிவர்த்தனைகளில் 2000 ரூபாய் நோட்டுகள் பயன்படுத்தப்படாது என தெரிவித்தது. ஆனால் உறுதியான தகவல் இதுவரை வெளிவரவில்லை.
தற்போது 2000 ரூபாய் குறித்து பரவும் தகவல்களுக்கு ரிசர்வ் வங்கி விளக்கம் அளித்துள்ளது. அதில், 2000 ரூபாய் குறித்து வரும் எந்த தகவலையும் நம்ப வேண்டாம் எனவும், வழக்கம்போல பொதுமக்கள் ரூபாய் நோட்டை பயன்படுத்தலாம் எனவும் தெரிவித்துள்ளது.