இந்தியாவில் அதிகரிக்கும் வெப்பநிலை? – வானிலை ஆய்வு மையம்.

இந்தியாவின் பல மாநிலங்களில் அடுத்த சில நாட்களுக்கு வெப்ப அலை வீசும் என இந்திய வானிலை ஆய்வு மையம் தெரிவித்துள்ளது .

இந்தியாவின் பல மாநிலங்களில் அடுத்த 5 நாட்களில் 4 முதல் 5 டிகிரி செல்சியஸ் வெப்பநிலை அதிகரிக்கும் என வானிலை ஆய்வு மையம் தெரிவித்துள்ளது. மேற்கு வங்கத்தில் இன்று முதல் வெப்ப அலை வீசும் எனவும், ஒடிசாவில் நாளை வெப்ப அலை வீசும் எனவும் கூறப்பட்டுள்ளது. தற்போது மத்திய பிரதேசத்தின் சில பகுதிகள், குஜராத், மராட்டிய மாநிலத்தின் உள்மாவட்டங்கள், ஒடிசா, தெலங்கானாவில் அதிகபட்ச வெப்பம் 40 முதல் 42 டிகிரி செல்சியசாக உள்ளது. இதர மாநிலங்களில் 40 டிகிரிக்கும் குறைவாக உள்ளதாக வானிலை ஆய்வு மையம் அறிவித்துள்ளது.