கேரளாவிலிருந்து தமிழகம் வருபவர்களுக்கு RT-PCR பரிசோதனை :

கேரளா :

கேரளாவிலிருந்து தமிழகம் வருபவர்களுக்கு வரும் 5-ம் தேதி முதல் RT-PCR பரிசோதனை சான்றிதழ் கட்டாயம் என்று மருத்துவத்துறை அமைச்சர் மா.சுப்பிரமணியன் தெரிவித்துள்ளார்.

இதுதொடர்பாக அமைச்சர் மா.சுப்பிரமணியன் கூறுகையில், ”வெளிநாடுகளில் இருந்து வருபவர்களுக்கு விமான நிலையத்தில் 13 நிமிடங்களில் RT-PCR பரிசோதனை முடிவை அறிவிக்கும் நடைமுறை ஓரிரு நாளில் அமலுக்கு வர உள்ளது.

கேரளாவில் இருந்து தமிழகம் வருபவர்களுக்கு வரும் 5-ம் தேதி முதல் RT-PCR பரிசோதனை சான்றிதழ் கட்டாயமாக்கப்படும். 2 தடுப்பூசி போட்டிருந்தால் RT-PCR பரிசோதனை கட்டாயமில்லை.
வெளிநாடுகளில் இருந்து வருபவர்களுக்கு உடல் வெப்பநிலை பரிசோதிக்கப்படும். சர்வதேச விமான நிலையத்தில் அதிநவீன பரிசோதனை இயந்திரம் நிறுவப்பட்டுள்ளது” என்று அவர் தெரிவித்தார்.