நடிகர் சூர்யா நடித்துள்ள ‘சூரரைப்போற்று’ படத்தின் இரண்டாவது பாடல் இன்று மாலை 3 மணிக்கு வெளியிடப்பட்டது.
இந்த நிகழ்வில் நடிகர் சூர்யா , அவரின் தந்தை சிவகுமார், மோகன் பாபு, இசையமைப்பாளர் ஜி.வி.பிரகாஷ் உள்ளிட்ட பலர் கலந்து கொண்டனர்.
இயக்குனர் சுதா கொங்கரா இயக்கத்தில் நடிகர் சூர்யா நடித்துள்ள சூரரைப்போற்று திரைப்படத்தின் 2 வது பாடலான ‘வெய்யோன் சில்லி’ (Veiyon chilli) என்ற பாடலை ஸ்பைஸ்ஜெட் விமானத்தில் நடுவானில் வெளியிட படக்குழு தீர்மானித்திருந்தது.
ஆதன்படி பெரிதும் எதிர்பார்க்கப்பட்ட இந்த பாடல் இன்று விமானத்தில் வெளியானது.
இதற்காக 100 அரசுப் பள்ளி கமாணவர்கள் இன்று இந்த பாடல் வெளியீட்டு விழாவில் பங்கேற்றார்கள். இவர்கள் அனைவருமே முதல் முறையாக விமானம் பயணம் மேற்கொண்டனர். விமான பயணம் மாணவர்களின் முகத்தில் பெருமளவில் மகிழச்சியை கொடுத்தது.
படக்குழுவினர் நடத்திய ‘தங்களுடைய மிகப்பெரிய கனவு’ என்ற தலைப்பில் கட்டுரை எழுதி தேர்வான 100 மாணவர்கள் இந்த விமான பயணத்திற்கு தேர்ந்தெடுக்கப்பட்டனர்.
இந்தப் படத்திற்காக ஸ்பைஸ்ஜெட் நிறுவனம் போயிங் 737 ரக விமானத்தை வழங்கியது குறிப்பிடத்தக்கது.