பாஜகவில் இணைந்தார், திமுக எம்எல்ஏ கு.க. செல்வம்… 

டெல்லி:-

திமுகவின் தலைமை நிலைய செயலாளராகவும், ஆயிரம் விளக்கு தொகுதி எம்எல்ஏவாகவும் இருப்பவர், கு.க.செல்வம். இந்நிலையில் டெல்லியில் தேசிய தலைவர் ஜே.பி. நட்டா முன்னிலையில் பாஜகவில் இணைந்தார். 

கு.க.செல்வம், 1997ல் அதிமுகவில் இருந்து திமுகவில் இணைந்தார். தற்போது திமுக சார்பில் போட்டியிட்டு ஆயிரம் விளக்கு திமுக எம்.எல்.ஏ.வாக உள்ளார். 

சென்னை திமுக மேற்கு மாவட்ட பொறுப்பாளர் பதவி கிடைக்காததால் கு.க.செல்வம் அதிருப்தி அடைந்துள்ளதாக தகவல்கள் தெரிவிக்கின்றன. சமீபத்தில் மேற்கு மாவட்ட பொறுப்பாளராக இளைஞர் அணியை சேர்ந்த சிற்றரசு நியமனம் செய்யப்பட்டிருந்தார் என்பது குறிப்பிடத்தக்கது.

இந்நிலையில், தமிழக பா.ஜ.க. தலைவர் எல். முருகனுடன், டில்லி சென்ற செல்வம் அங்கு பா.ஜ.க. தேசிய தலைவர் நட்டாவை அவரது வீட்டில் சந்தித்து பா.ஜ.க.வில் இணைந்தார்.