மெல்போர்ன்
சூரரைப்போற்று திரை படத்தில் நடித்தற்காக நடிகர் சூர்யாவுக்கு சிறந்த நடிகருக்கான விருது அறிவிக்கப்பட்டுள்ளது. கடந்த வருடம் நவம்பர் 12 ஆம் தேதி அமேசான் பிரைம் மூலம் சூர்யாவின் சூரரைபோற்று திரைப்படம் வெளியானது.
சுதா கொங்கரா இயக்கத்தில் உருவான இந்தப் படத்தில் நடிகர் சூர்யாவின் நடிப்பு அனைவராலும் பெரிதும் பாராட்டப்பட்டது. இந்தப் படத்தை சூர்யா தனது 2டி எண்டர்டெயின்மென்ட் மூலம் தயாரித்திருந்தார் என்பது குறிப்பிடத்தக்கது.
குறைந்த கட்டணத்தில் விமானப் பயணம் என்ற கொள்கைக்கு உயிர்கொடுத்த ஏர் டெக்கான் நிறுவன தலைவர் ஜி.ஆர்.கோபிநாத்தின் வாழ்க்கை வரலாறுதான் படமாக சூரரைப் போற்று உருவாகியிருந்தது.
இந்த நிலையில் மெல்போர்ன் இந்திய திரைப்பட விழாவில் நடிகர் சூரரைப் போற்று படம் திரையிடப்பட்டது. நடிகர் சூர்யாவுக்கு சிறந்த நடிகருக்கான விருது மற்றும் சிறந்த படத்துக்கான விருதும் கிடைத்துள்ளது என்பது குறிப்பிடத்தக்கது.