ஜாகுவார் சக்திவாய்ந்த எஸ்யூவி கார் விரைவில் அறிமுகம்
ஜாகுவார் கார் நிறுவனத்தின் சக்திவாய்ந்த எஸ்யூவி மாடல் F-PACE . இதை தொடர்ந்து கூடுதல் திறன் வாய்ந்த மாடலை ஜாகுவார் நிறுவனத்தின் பெர்ஃபார்மென்ஸ் கார் தயாரிப்பு பிரிவான எஸ்விஆர் உருவாக்கி இருக்கிறது.
கடந்த ஆண்டு நியூயார்க் ஆட்டோ ஷோவில் முதல்முறையாக இந்த புதிய மாடலை ஜாகுவார் அறிமுகப்படுத்தியது. ஜாகுவார் F-PACE எஸ்விஆர் என்ற பெயரில் அழைக்கப்படும் இந்த சக்திவாய்ந்த F-PACE எஸ்யூவி சில தினங்களுக்கு முன் ஜாகுவார் இந்தியா நிறுவனத்தின் இணையதள பக்கத்தில் அறிமுகப்படுத்தப்பட்டது.
இந்த நிலையில், இந்த எஸ்யூவிக்கு இந்தியா முழுவதும் உள்ள ஜாகுவார் டீலர்களஇல் முன்பதிவு ஏற்கப்படுகிறது. இந்த காரின் அறிமுக தேதி இதுவரை வெளியிடப்படவில்லை. எனினும், வரும் பிப்ரவரி மாதம் இந்த புதிய மாடலை இந்தியாவில் விற்பனைக்கு கொண்டு வருவதற்கு ஜாகுவார் திட்டமிட்டுள்ளதாக தெரிவித்துள்ளது.