volkswagen polo காரின் அதிசெயல்திறன் மிக்க ரேஸ் மாடல் ஆட்டோ எக்ஸ்போவில் அறிமகம் செய்யப்பட்டுள்ளது.
இந்திய மோட்டார்ஸ் போர்ட்ஸ் துறையில் volkswagen கார் நிறுவனம் முக்கிய பங்காற்றி வருகிறது. மேலும், மோட்டார் பந்தயத்தை நேரடியாக நடத்தி வரும் கார் நிறுவனம் என்ற பெருமையையும் பெற்றிருக்கிறது. இந்தியா மற்றும் அண்டை நாடுகளை சேர்ந்த இளம் மோட்டார் பந்தய வீரர்களை இனம் கண்டு அவர்களுக்கு முறையான பயிற்சி வழங்கி, சர்வதேச அளவிலான மோட்டார் பந்தயங்களில் பங்கு கொள்வதற்கான வாய்ப்பை Motorsports – Volkswagen பிரிவு ஏற்படுத்தி கொடுத்து வருகிறது.
volkswagen நிறுவனம் இந்தியாவில் ஒன் மேக் சீரிஸ் என்ற கார் பந்தயத்தை நடத்தி வருகிறது. அந்த வகையில், போலோ ரேஸ் கார்களை பயன்படுத்தி வீரர்கள் போட்டியிடுவதற்கான ஒன் மேக் சீரிஸ் பந்தயத்தை volkswagen நடத்தி வருகிறது. இந்த நிலையில், 11வது ஒன் மேக் சீரிஸ் கார் பந்தயத்திற்காக போலோ காரின் புதிய ரேஸ் மாடலை ஆட்டோ எக்ஸ்போவில் வைத்து அறிமுகம் செய்துள்ளது volkswagen நிறுவனம்.