2015-ம் ஆண்டு அல்டிமேட் ஸ்டார் அஜித்குமார் நடித்து வெற்றியடைந்த ‘என்னை அறிந்தால்’ படத்தின் மூலம் தமிழ் சினிமா உலகிற்கு அறிமுகமானவர் அனிகா சுரேந்தர்.
இதில் அஜித்துக்கு மகளாக நடித்து இருந்தார் அனிகா. இதனை தொடர்ந்து விஸ்வாசம் படத்திலும் அப்பா – மகளாக இருவரும் நடித்தனர். தற்போது அஜித் மகள் என்றே திரை உலகில் வலம் வருகிறார் அனிகா.
மலையாள மொழியில் பத்துக்கும் மேற்பட்ட படத்தில் குழந்தை நட்சத்திரமாக நடித்து உள்ளார். அதுவும் மம்முட்டி, மோகன்லால், ஜெயராம் போன்ற பல முன்னணி நடிகர்களின் படத்தில் நடித்து உள்ளார். நடிகை அனிகா மலையாளம், தமிழ் என இரண்டு மொழி படங்களிலும் முன்னணி நடிகர்களுடன் நடித்து மக்களிடையேயும், ரசிகர்களிடையேயும் அதிக ஆதரவை பெற்று வருகிறார்.
அவ்வப்போது Photo shootகளும் நடத்தி புகைப்படங்களை வெளியிடுகிறார்.
மேலும், அனிகா மறைந்த முன்னாள் முதலமைச்சர் ஜெயலலிதாவின் வாழ்க்கை வரலாற்றை மையமாக வைத்து எடுக்கப்பட்டு வரும் ‘குயின்’என்ற வெப் சீரிஸில் சிறு வயது ஜெயலலிதாவாக நடித்து உள்ளார்.
தற்போது வினோத் இயக்கத்தில் தல அஜித் நடித்து வரும் வலிமை படத்தில் அனிகா அஜித்தின் மகளாக நடித்து வருகிறார் என்ற தகவல் வெளிவந்துள்ளது.
இதையடுத்து அனிகா தான் நடித்த படம் ஒன்றுக்காக விருது வாங்கி உள்ளார். அந்த விருதுடன் அவர் எடுத்துக்கொண்ட புகைப்படம் தற்போது சமூக வலைத்தளங்களில் வைரலாக பரவி வருகிறது.
