இயக்குனர் பிரதீப் கிருஷ்ணமூர்த்தி இயக்கத்தில் நடிகர் சிபிராஜ் நடிப்பில் உருவாகி வரும் படம் “கபடதாரி”. இந்த படத்தில் இவருக்கு ஜோடியாக நந்திதா நடித்துள்ளார். அதனையடுத்து படத்த்தின் முக்கிய கதாபாத்திரங்களில் நாசர், ஜெயா பிரகாஷ், சதிஷ் உள்ளிட்டோர்கள் நடித்துள்ளனர். இசையமைப்பாளர் சைமன் இசையமைக்கும் இப்படத்தினை தனஞ்சயன் தயாரித்துள்ளார்.
கடந்த ஆண்டே படத்தின் படப்பிடிப்பு ஆரம்பித்த நிலையில் கொரோனா அச்சுறுத்தல் காரணமாக படப்பிடிப்பு தடைபட்டுப்போனது. அதனையடுத்து படப்பிடிப்புகளுக்கு அரசு அனுமதி அளித்ததை தொடர்ந்து விரைவாக படப்பிடிப்பு நடத்தப்பட்டு செப்டம்பர் 29 ஆம் தேதி நிறைவு செய்யப்பட்டது. பின்னர் படத்தின் இறுதிக்கட்ட பணிகளை முழுவீச்சுடன் நிறைவு செய்துள்ளது படக்குழு.
அதனையடுத்து “கபடதாரி” படத்தினை திரையரங்கில் வெளியிட தீவிரம் காட்டி வந்த படக்குழு. அண்மையில் கபடதாரி திரைப்படம் வரும் ஜனவரி 28 ஆம் தேதி தைப்பூசத்தன்று திரையரங்கில் வெளியாகும் என்றும் கூறியிருந்தது. இந்நிலையில் படகுழு தற்போது கபடதாரி படத்தின் டிரைலரை வெளியிட்டுள்ளது.
#kabadaathari #sibiraj #tamilmovie #tamilthisai #nanthitha