லோகேஷ் கனகராஜ் நடிகர் விஜய்யை வைத்து “மாஸ்டர்” படத்தினை உருவாக்கியுள்ளார். இந்த படத்தில் விஜய்க்கு ஜோடியாக மாளவிகா மோகன் நடித்துள்ளார். படத்தில் விஜய் சேதுபதி வில்லனாகவும் அவரை முக்கிய கதாபாத்திரங்களில் சாந்தனு, மகேந்திரன், கைதி பட புகழ் அர்ஜுன் தாஸ் உள்ளிட்டோரும் நடித்துள்ளனர்.
அண்மையில் மாஸ்டர் படத்தின் டீசர் வெளியாகி ரசிகர்களிடையே நல்ல வரவேற்பினை பெற்றது. அதனையடுத்து படக்குழு மாஸ்டர் திரைப்படம் வரும் ஜனவரி 13 ஆம் தேதி திரையரங்குகளில் வெளியாகும் என்று அறிவித்துள்ளது. அதனையடுத்து மாஸ்டர் திரைப்படத்தை தயாரித்துள்ள செவன் ஸ்க்ரீன் ஸ்டூடியோ நிறுவனம் தரப்பில் சென்னை உயர்நீதிமன்றத்தில் வழக்கு தொடரப்பட்டது.
மாஸ்டர் திரைப்படத்தை சட்டவிரோதமாக இணையதளங்களில் வெளியிட தடை விதிக்க வேண்டும் என வழக்கு தொடரப்பட்ட நிலையில், 400 சட்ட விரோத இணைய தளங்கள் மற்றும் 29 இணையதள சேவை வழங்கும் நிறுவனங்களுக்கு மாஸ்டர் திரைப்படத்தை வெளியிட தடை விதித்து சென்னை உயர்நீதி மன்றம் உத்தரவிட்டுள்ளது. இந்நிலையில் படத்தின் சில காட்சிகள் இணையத்தில் சட்டவிரோதமாக வெளியானதால் படக்குழுவினர் அதிர்ச்சியில் உள்ளனர்.
இது திரையுலகினரை பெறும் அதிர்ச்சியில் ஆழ்த்தியுள்ள நிலையில் இது குறித்து மாஸ்டர் படத்தின் கதாநாயகி மாளவிகா மோகன் ட்விட்டரில் கருத்து தெரிவித்துள்ளார். அதில்,”மூன்று மணிநேரப் படம் தயாரிக்க சில மாதங்கள் அல்லது சில நேரங்களில் ஒரு வருடம் கூட ஆகும். ஒரு திரைப்படத்தை உருவாக்கும் முயற்சியையும், கடின உழைப்பையும் மதிக்க வேண்டும். தயவுசெய்து ‘மாஸ்டர்’ படத்திலிருந்து கசிந்த எந்த காட்சியையும் பகிர வேண்டாம். இப்படம் சரியாக 1 நாளில் உங்களுக்கு அருகிலுள்ள திரையரங்குகளுக்கு வருகிறது” என குறிப்பிட்டுள்ளார்.
#master #mastermovie #thalapathy #mastermovie #malavikamohan #arjundas #vijaysethupathy