ஆஸ்கரை விட்டு வெளியேறிய சூரரைப் போற்று !

நடிகர் சூர்யா தமிழ் சினிமாவின் முன்னணி நடிகராக இருந்து வருகிறார். இவரின்  நடிப்பில் கடைசியாக வெளியான படம் ‘சூரரைப் போற்று’. ஓடிடி தளத்தில் வெளியாகியது. அதனையடுத்து இப்படத்திற்கு ரசிகர்களிடையே நல்ல வரவேற்பு கிடைத்தது. இந்நிலையில், ஆஸ்கர் விருதுக்கான தேர்வு பட்டியலில் சூரரைப் போற்று திரைப்படமும் இடம் பெற்றிப்பதாக சமீபத்தில் அறிவிப்பு வெளியானது. 

இப்பட்டியலில் மொத்தம் 366 திரைப்படங்கள் இடம்பெற்றிருந்தன. சிறந்த நடிகர், நடிகை, இசை, சிறந்த படம் உள்ளிட்ட பல பிரிவுகளில் இப்படம் போட்டியிட்டது. தற்போது, 92-ஆவது ஆஸ்கர் விருதுக்கான இறுதிக்கட்ட சுற்றில் நீடிக்கும் படங்களின் பட்டியல் வெளியாகியுள்ளது. இப்பட்டியலில் சூரரைப் போற்று திரைப்படம் இடம் பெறவில்லை. இதனால் ஏமாற்றம் அடைந்த ரசிகர்கள் தங்களின் வருத்தத்தை சமூக வலைத்தளத்தில் பகிர்ந்து வருகின்றனர்.