“தி ஃபேமிலி மேன்” சீரிஸ் அமேசான் தளத்தில் வெளியாகி ரசிகர்களிடையே நல்ல வரவேற்பை பெற்றது. இதில் மனோஜ் பாஜ்பாய், பிரியாமணி, ஷரத் கேல்கர் உள்ளிட்ட பலர் இதில் நடித்திருந்தனர். ராஜ் மற்றும் டிகே இணைந்து இந்த வெப் சீரிஸை இயக்கிருந்தனர். முதல் சீசனின் வெற்றியை தொடர்ந்து அமேசான் பிரைம் தற்போது இரண்டாவது சீசனை தயாரிக்க உள்ளது.
இந்த சீசனில் சமந்தாவும் ஒரு முக்கிய கதாபாத்திரத்தில் நடிக்க உள்ளதாக கூறப்பட்டுள்ளது. இதன்மூலம் ஓடிடி தளத்தில் சமந்தா முதல் முறையாக அறிமுகமகிறார். இந்த வலைத்தொடரில் அவர் எதிர்மறையான கதாபாத்திரத்தில் நடித்துள்ளார். இதற்கான அறிவிப்பை அமேசான் பிரைம் ட்விட்டரில் வெளியிட்டது.
அப்போது சமந்தாவுக்கென தனி எமோஜியையும் டிவிட்டர் அறிமுகப்படுத்தியது. அதாவது #TheFamilyMan2 ஹேஸ்டேக்கில் சமந்தாவின் எமோஜியை இணைத்துள்ளது ட்விட்டர். இந்திய நடிகைகளில் சமந்தாவிற்கு தான் இந்த அங்கீகாரம் முதல் முறையாக கிடைத்துள்ளது.