நேற்று இரவு ‘வலிமை’ படத்தின் முதல் பாடலான ’நாங்க வேற மாரி’ பாடல் வெளியாகி கவனம் ஈர்த்துள்ளது. மேலும் வேற லெவல் அஜித்தை காட்டி அஜித் ரசிகர்களைப் பரவசப்படுத்தியிருக்கிறது படக்குழு.
விக்னேஷ் சிவன் எழுதியிருக்கும் இந்தப்பாடல்தான் படத்தின் ஓப்பனிங் பாடல். யுவன் ஷங்கர் ராஜா இசையில் உருவாகியுள்ள ‘’நாங்க வேற மாறி’’ தல ரசிகர்களின் ஆன்தெமாக மாறியுள்ளது.
முழுக்க முழுக்க அஜித் அதிகம் பயன்படுத்தும் வாழ்க்கைத் தத்துவ வரிகளைக் கொண்டு எழுதியிருக்கிறார் விக்னேஷ் சிவன்.
’தீனா’, ’பில்லா’, ’ஏகன்’, ‘பில்லா 2’, ’மங்காத்தா’, ‘ஆரம்பம்’, ‘நேர்கொண்ட பார்வை’ என அஜித், யுவன் கூட்டணி எப்போதும் ரசிகர்களுக்கு சூப்பர் ஹிட் கூட்டணியாக அமைந்துள்ளது என்பதால் ’வலிமை’ படத்தின் பாடல்களுக்கு எதிர்பார்ப்புகள் எகிறியுள்ளன.
சமீபத்தில், வெளியான ’வலிமை’ மோஷன் போஸ்டர் டீசரின் பிஜிஎம்மும் கவனத்தை ஈர்த்த நிலையில், தற்போது, ‘நாங்க வேற மாரி’ பாடல் வெளியாகி அஜித் -யுவன் ரசிகர்களை உற்சாகப்படுத்தியிருக்கிறது.
திருவிழாவில் அஜித்தின் அறிமுகப் பாடலாக அமைந்துள்ள, இப்பாடல் ரசிகர்களுக்கு பெருவிழாவாக அமைந்திருக்கிறது. இயக்குநர் விக்னேஷ் சிவன் மட்டுமல்லாமல், ’தெருக்குரல்’ அறிவு, தாமரை, உள்ளிட்ட பலரும் வலிமை படத்திற்காக பாடல் எழுதியுள்ளார்கள் என்பது குறிப்பிடத்தக்கது.