கிரிப்டோகரன்சிகளுக்கு இந்தியாவில் தடையில்லை : உச்ச நீதிமன்றத்தில் ஆர்.பி.ஐ விளக்கம்

இந்தியாவில் பிட்காயின் போன்ற கிரிப்டோகரன்சி பரிவர்த்தனைகளுக்கு 2018-ம் ஆண்டு ஆர்.பி.ஐ விதித்த கட்டுப்பாடுகளை நீக்க கோரி இந்திய இணைய மொபைல் கூட்டமைப்பு உச்ச நீதிமன்றத்தில் வழக்கு தொடர்ந்தது.

இந்த வழக்கில் விளக்கம் அளித்துள்ள ரிசர்வ் வங்கி, ’பிட்காயின் போன்ற கிரிப்டோகரன்சிகளுக்கு இந்தியாவில் தடைவிதிக்கப்பட்டவில்லை. ரிசர்வ் வங்கி தொழில்நுட்ப கண்டுபிடிப்புகளுக்கு எதிராக நடவடிக்கை எடுக்கவில்லை.

வங்கிகளை பண மோசடி, தீவிரவாதத்துக்கு நிதி போன்ற அபாயங்களிலிருந்து பாதுகாக்கவே இந்த கட்டுப்பாடு விதிக்கப்பட்டுள்ளது என தெரிவிக்கப்பட்டுள்ளது.  இதையடுத்து இந்த வழக்கின் விசாரணை வருகின்ற 28-ம் தேதிக்கு ஒத்திவைக்கப்பட்டது.