மறைந்த எழுத்தாளர் கி.ராவின் உடலுக்கு அரசு மரியாதை !

புதுச்சேரியில் சாகித்ய அகாடமி விருது பெற்ற மூத்த எழுத்தாளர் கி.ராஜநாராயணன்(99). இவர் ஏராளமான சிறுகதைகள், கட்டுரைகள், குறு நாவல்களை எழுதியுள்ளார். 1923 ஆம் ஆண்டு கோவில்பட்டி அருகே இடைச்செவல் கிராமத்தில் பிறந்தவர் ராஜநாராயணன். கோபல்லபுரத்து மக்கள் என்ற நாவலுக்காக 1991ஆம் ஆண்டில் சாகித்ய அகாடமி விருதை பெற்றார். 

புதுச்சேரி லாசுப்பேட்டையில் இருக்கும் அரசு குடியிருப்பில் வசித்து வந்த, கி.ராஜநாராயணன் உடல் நலக்குறைவு காரணமாக உயிரிழந்தார். அவரது உடலுக்கு அரசியல் கட்சியினர், எழுத்தாளர்கள் பலர் அஞ்சலி செலுத்தினர். 

பின்னர் புதுச்சேரி அரசு சார்பில் முழு அரசு மரியாதை செய்யப்பட்டு அவரது சொந்த ஊரான கோவில்பட்டி அருகே உள்ள இடைசெவல் கிராமத்திற்கு அனுப்பி வைக்கப்பட்டது.