இந்தியா மற்றும் நியூசிலாந்து அணிகள் இடையேயான 5வது மற்றும் கடைசி 20 ஓவர் போட்டி இன்று நடைபெறுகிறது.
நியூசிலாந்தில் சுற்றுப்பயணம் மேற்கொண்டுள்ள இந்திய அணி, 5 டி20 போட்டிகள் கொண்ட தொடரில் விளையாடி வருகிறது. இதில் முதல் 4 போட்டிகளில் இந்திய அணி வெற்றி பெற்று தொடரை கைப்பற்றியதோடு, 4-0 என்ற கணக்கில் முன்னிலை வகிக்கிறது.
இந்நிலையில் இவ்விரு அணிகள் மோதும் 5வது டி20 போட்டி மவுண்ட் மவுங்கானுவில் உள்ள பே ஓவல் மைதானத்தில் இன்று நடைபெறுகிறது.
நண்பகல் 12.30 மணிக்கு தொடங்கும் இந்த போட்டி இந்தியாவை பொறுத்தவரை பெரிய அளவில் அழுத்தமில்லாததாக பார்க்கப்படுகிறது.
ஆனால் இந்திய அணி தொடரை 5-0 என்ற கணக்கில் கைப்பற்றி நியூசிலாந்து அணியை ஒயிட்வாஷ் செய்ய திட்டமிட்டுள்ளது.
அதேசமயம், இந்தியாவின் சவால்களுக்கு ஈடுகொடுத்து விளையாடி வரும் நியூசிலாந்து அணி ஆறுதல் வெற்றியாவது பெற போராடுவார்கள் என எதிர்பார்க்கப்படுகிறது.