ஹீரோ எலெக்ட்ரிக் நிறுவனத்தின் புதிய எலெக்ட்ரிக் மோட்டார்சைக்கிள் படங்கள் இணையத்தில் வெளியாகியுள்ளது.
புதிய எலெக்ட்ரிக் மோட்டார்சைக்கிள் 2020 ஆட்டோ எக்ஸ்போ விழாவில் அறிமுகம் செய்யப்பட இருக்கிறது.
ஹீரோ எலெக்ட்ரிக் நிறுவனம் இதுவரை சுமார் மூன்று லட்சத்திற்கும் அதிகமான எலெக்ட்ரிக் வாகனங்களை விற்பனை செய்திருக்கிறது.
தற்சமயம் வெளியாகி இருக்கும் புகைப்படங்களின் படி ஹீரோ எலெக்ட்ரிக் நிறுவனத்தின் புதிய மோட்டார்சைக்கிள் 150 முதல் 200 சிசி பிரிவில் அறிமுகம் செய்யப்படும் என கூறப்படுகிறது.
இந்த மோட்டார்சைக்கிள் மணிக்கு அதிகபட்சமாக 80 கிலோமீட்டர் வேகத்தில் செல்லும் திறன் கொண்டிருக்கும் என்றும் இதனை ஒருமுறை முழுமையாக சார்ஜ் செய்தால் 120 கிலோமீட்டர் வரை பயணிக்க முடியும் என கூறப்படுகிறது.
மேலும் இதில் டிஜிட்டல் இன்ஸ்ட்ரூமென்ட் கன்சோல் மற்றும் ஸ்மார்ட்போன் கனெக்டிவிட்டி வசதிகள் வழங்கப்படலாம்.