குறைந்த விலையில் சாம்சங் நிறுவனத்தின் மடிக்கக்கூடிய ஸ்மார்ட்போன் :

சாம்சங் எலெக்டிரானிக்ஸ் நிறுவனம் தனது புதிய மடிக்கக்கூடிய ஸ்மார்ட்போன் மாடல்களை அடுத்த மாதம் அறிமுகம் செய்ய இருக்கிறது. இந்நிலையில், சாம்சங் புது மடிக்கக்கூடிய ஸ்மார்ட்போன்கள் விலை குறைவாக இருக்கும் என தகவல் வெளியாகியுள்ளது.

கேலக்ஸி Z போல்டு 3 விலை முந்தைய மாடலை விட 17 சதவீதம் குறைவாக இருக்கும் என்றும் கேலக்ஸி Z ப்ளிப் 3 விலை முந்தைய மாடலை விட 22 சதவீதம் குறைவாக இருக்கும் என்றும் கூறப்படுகிறது. குறைந்த விலையில் வழங்குவதன் மூலம் மடிக்கக்கூடிய ஸ்மார்ட்போன்களின் விற்பனையை அதிகப்படுத்த சாம்சங் திட்டமிட்டிருக்கிறது.தற்போதைய தகவல்களின் படி சாம்சங் இரு மடிக்கக்கூடிய ஸ்மார்ட்போன்கள், இதர அக்சஸரீக்களை ஆகஸ்ட் 11-ம் தேதி அறிமுகம் செய்யலாம் என கூறப்படுகிறது.