சென்னை:
Q.S.நிறுவனம் ஒவ்வொரு ஆண்டும் சர்வதேச அளவில் சிறந்த கல்வி நிறுவனங்களின் தரவரிசை பட்டியல் மற்றும் ஆசியாவின் சிறந்த கல்வி நிறுவனங்கள் பட்டியலை வெளியிட்டு வருகிறது.அவ்வகையில் 2020-ம் ஆண்டிற்கான ஆசியாவின் சிறந்த கல்வி நிறுவனங்களின் பட்டியலை சமீபத்தில் வெளியிட்டது.
இந்த பட்டியலில் முதல் 50 இடங்களில் மும்பை IIT, டெல்லி IIT மற்றும் சென்னை IIT ஆகிய உயர்கல்வி நிறுவனங்கள் இடம்பெற்றுள்ளன. 37வது இடத்தை மும்பை IIT-ம், 47வது இடத்தை டெல்லி IIT-ம், 50வது இடத்தை சென்னை IIT-ம் பெற்றுள்ளன. இந்த மூன்று நிறுவனங்களும் இரண்டாவது ஆண்டாக டாப்-50 இடத்தை தக்க வைத்துள்ளது.
கடந்த ஆண்டைப் போல இந்த ஆண்டும் சிங்கப்பூர் தேசிய பல்கலைக்கழகம் முதலிடத்தை பிடித்துள்ளது.இது தொடர்பான செய்தியை மத்திய கல்வி அமைச்சர் ரமேஷ் பொக்ரியால் தனது டுவிட்டர் பக்கத்தில் பதிவிட்டு, வாழ்த்துக்களை தெரிவித்துள்ளார். “நமது பிரதமர் நரேந்திர மோடியின் தலைமையின் கீழ் கல்வித்துறை சிறப்பாக செயல்படுவதற்கு இது ஒரு சான்றாகும்” என்றும் அவர் கூறியுள்ளார்.