அரவிந்த் சாமி திரையுலகில் 30 வருடங்களாக நடித்து வருகிறார். 2015-ம் ஆண்டு வெளியான தனி ஒருவன் படத்தில் வில்லனாக அரவிந்த் சாமி நடித்து ஸ்டைலிஸ் வில்லன் என்று ரசிகர்களால் போற்றப்பட்டார். இவர் மூலம் வில்லனும் ஸ்டைலாக இருக்கலாம் என்ற லாஜிக்கை திரையுலகம் ஏற்றது.
இந்நிலையில் முன்னாள் முதலமைச்சர் ஜெயலலிதாவின் வாழ்க்கைக் கதை சினிமாவாக்கப்பட்டு வருகிறது. இதை இயக்குனர் விஜய், தலைவி என்ற பெயரில் இயக்கி வருகிறார். தலைவி படத்தில் நடிகர் அரவிந்த் சாமி எம்.ஜி.ஆர் வேடத்தில் நடித்து வருகிறார்.
இந்த படத்தில் ஜெயலலிதா கதாபாத்திரத்தில் நடிகை கங்கனா ரணாவத் நடித்து வருகிறார். சமீபத்தில் இந்தப் படத்தின் ஃபர்ஸ்ட் லுக் வெளியானது.
பிரகாஷ்ராஜ் கருணாநிதியாகவும் ஜெயலலிதாவின் தோழி சசிகலாவாக பிரியாமணி நடிக்கின்றனர்.
இந்நிலையில், இந்தப் படத்தில் ‘எம்ஜிஆர் லுக்’ போஸ்டரை படக்குழு வெளியிட்டுள்ளது. எம்.ஜி.ஆர்.பிறந்த நாளை முன்னிட்டு இந்த போஸ்டர் வெளியிடப்பட்டுள்ளது. அதில் அரவிந்த் சாமி, அப்படியே எம்.ஜி.ஆர் போலவே இருக்கிறார்.
இந்நிலையில் ட்விட்டரில் நியூ லுக் புகைப்படங்களை அரவிந்த் சாமி வெளியிட்டுள்ளார். அந்த பதிவில் தலைவி படத்தில் எம்.ஜி.ஆராக நடித்த எனது புதிய லுக் என்று அவர் குறிப்பிட்டுள்ளார்.
ஸ்பெஷல் டீசர் ஒன்றையும் படக்குழு இன்று வெளியிட இருக்கிறது. இதற்கிடையே, அரவிந்த் சாமியின் லுக்குகள் இரண்டும் அப்படியே எம்.ஜி.ஆர் போலவே இருக்கிறது என்று ரசிகர்கள் கூறி வருகின்றனர். இதையடுத்து ‘தலைவி’ சமூக வலைத்தளங்களில் டிரெண்டாகி வருகிறது.