மேற்கு வங்க முதலமைச்சர் மம்தா பானர்ஜியின் வாழ்க்கை வரலாற்றை திரைப்படமாக உருவாக்கும் பணியை திரிணாமுல் காங்கிரஸ் கட்சி தொடங்கி உள்ளதாக தகவல் வெளியாகி உள்ளது.
தற்போதைய காலகட்டத்தில் பிரபலங்களின் வாழ்க்கை வரலாற்றை திரைப்படமாக எடுக்கும் முயற்சிகள் பாலிவுட் முதல் கோலிவுட் அனைத்து திரையுலகிலும் நிலவி வருகிறது.
முன்னாள் இந்திய கேப்டன் மஹேந்திர சிங் தோனியின் பயோபிக் மிகப்பெரிய அளவில் வெற்றியையும் வசூலையும் வாரி குவித்தது.
அதனைத் தொடர்ந்து பழம்பெரும் நடிகை சாவித்திரியின் வாழ்க்கை வரலாறு தேசிய அளவில் விருது பெற்றதோடு நடிகை கீர்த்தி சுரேஷ் இருக்கு விருதையும், நல்ல பெயரையும் பெற்றுத் தந்தது.
அதேபோல பிரதமர் நரேந்திர மோடி, பால்தாக்கரே, என்டி ராமராவ், ராஜசேகர ரெட்டி, சச்சின் டெண்டுல்கர், ஜெயலலிதா ஆகியோரின் பயோபிக்குகளும் வெளியாகியுள்ளது.
இந்நிலையில் வரும் 2022ஆம் ஆண்டு மக்களவைத் தேர்தலை முன்னிட்டு நாடு முழுவதும் மம்தா பானர்ஜியை பிரபலமாகும் வகையில் திரிணாமுல் காங்கிரஸ் கட்சி அவரது வாழ்க்கை வரலாற்றை மையமாக வைத்து திரைப்படமாகும் முயற்சியில் இறங்கி உள்ளது.