ஸ்மார்ட்ஃபோன் தயாரிப்பில் அசத்திவந்த பிரபலமான xiaomi நிறுவனம் தற்போது மடக்கும் வசதியுடன் கூடிய அடக்கமான வகை மின்சார பைக்கை அறிமுகப்படுத்தியுள்ளது.
xiaomi himo h1 என்ற பெயரில் வந்திருக்கும் இந்த புதிய மினி எலெக்ட்ரிக் பைக் கார்களில் எடுத்துச் சென்று பெரிய நிறுவன வளாகங்கள், பூங்கா பகுதிகள் மற்றும் வணிக வளாகங்களில் பயன்படுத்துவதற்கு ஏற்ற அம்சங்களை பெற்றிருக்கிறது.
சிறிய இருக்கை, சக்கரங்கள், அட்ஜெஸ்ட் வசதியுடன் கூடிய ஹேண்டில்பார் உறுதியான அடிச்சட்டத்தில் பொருத்தப்பட்டுள்ளன. இந்த புதிய எலெக்ட்ரிக் பைக் 14.5 கிலோ எடை கொண்டது. இந்த எலெக்ட்ரிக் பைக்கில் 75 கிலோ எடையுடையவர்கள் பயணிக்க முடியும்.
இந்த பைக்கில் இருக்கும் 7.5Ah பேட்டரியை முழுமையாக சார்ஜ் செய்தால் 30 கிமீ தூரம் வரை பயணிக்கலாம். பேட்டரியை முழுமையாக சார்ஜ் செய்வதற்கு 4 முதல் 6 மணிநேரம் பிடிக்கும் என கூறுகின்றனர்.