ஹாலிவுட் திரைப்பட இயக்குநர் ஜேம்ஸ் கேமரூன் அவதார் படத்தின் தொடர்ச்சியான “அவதார் 2” வின் First Lookயை வெளியிட்டுள்ளார்.
2021-ல் வெளியாகி பாக்ஸ் ஆபிஸை தெறிக்கவிடும் எனத் தெரிகிறது. 2009ம் ஆண்டில் அவதார் முதல் பாகம் வெளியாகி மிகப்பெரிய வெற்றியை கொடுத்தது.
அதன் இரண்டாம் பாகம் 2013-ம் ஆண்டில் வெளியாகும் என ஜேம்ஸ் கேமரூன் கூறியிருந்தார். ஆனால், பல டெக்னிக்கல் சிக்கல்களால் அவதார் 2 படம் வெளியாக வில்லை.
அவதார் படத்தில் பூமியில் இருந்து பேண்டோரா எனும் வேற்று கிரகத்துக்கு மனிதர்கள் விண்கலம் ஏறி செல்வார்கள். பேண்டோராவின் அழகை தனித்துவமாக படம்பிடித்து உலகிற்கு வியப்புடன் கலந்த பிரம்மாண்ட படைப்பை ஜேம்ஸ் கேமரூன் காட்டியிருந்தார்.
அவதார் 2 மற்றும் அடுத்தடுத்த பாகங்களில் பேண்டோராவை தாண்டிய பல புதிய உலகங்களை உலக ரசிகர்களுக்கு ஜேம்ஸ் கேமரூன் காட்டவுள்ளார் என கூறப்படுகிறது.
நீண்ட கால தயாரிப்பில் இருக்கும் அவதார் 2 இன்னும் ஒருவருடம் தள்ளிப்போய் 2021 டிசம்பர் 17ஆம் தேதி வெளியாகும் என படக்குழு அறிவித்துள்ளது.