தெலுங்கு திரையுலகின் முன்னணி நடிகரான மகேஷ் பாபுவுக்கு முழங்காலில் ஏற்பட்ட காயம் காரணமாக அமெரிக்கா சென்று அறுவை சிகிச்சை செய்து இருந்த நிலையில், ஹைதராபாத்திலேயே அறுவை சிகிச்சை பெறக்கூடும் என்றும் தகவல் வெளியாகியுள்ளது.
முழங்கால் அறுவை சிகிச்சை காரணமாக மகேஷ் பாபு நடித்து வந்த சர்காரு வாரி பாட்டா படத்தின் ஷூட்டிங்கை இரண்டு மாதம் தள்ளி வைத்துள்ளனர். அறுவை சிகிச்சை முடிந்து குணமான பிறகு மகேஷ் பாபு படப்பிடிப்பில் கலந்து கொள்ளவுள்ளார்.
பரசுராம் இயக்கும் இப்படத்தில் மகேஷ் பாபுவுக்கு ஜோடியாக கீர்த்தி சுரேஷ் நடிக்கிறார். மேலும், இப்படத்திற்கு தமன் இசையமைக்கிறார்.
இந்நிலையில், #GetWellSoonMaheshAnna என்கிற ஹேஷ்டேக்குகள் ட்வீட்டரில் ட்ரெண்டாகி வருகிறது. மேலும், அவருக்காக ரசிகர்கள் பிரார்த்தனை செய்வதாகவும் தெரிவித்துள்ளனர்.
எனினும் அவருக்கு அறுவை சிகிச்சை நடக்கவிருப்பது அமெரிக்காவிலா அல்லது ஹைதராபாத்திலா என்பது தெளிவாக தெரியவில்லை.
.
இதனிடையே ஆந்திர மாநிலத்தில் வெள்ளம் பாதித்துள்ள நிலையில், சூப்பர் ஸ்டார் மகேஷ்பாபு ரூ. 25 லட்சம் நிதியுதவி அளித்துள்ளார் என்பது குறிப்பிடத்தக்கது.