திருவனந்தபுரம்:-
கேரள முதல்வர் பினராயி விஜயனின் மகள் வீணா விஜயன் – இந்திய ஜனநாயக வாலிபர் சங்க தேசியத் தலைவர் (DYIF) பி.ஏ. முகமது ரியாஸ் திருமணம் இன்று காலை மிக எளிமையாக நடைபெற்றது.
கேரள முதல்வர் பினராயி விஜயனின் மகள் வீணா விஜயன் மற்றும் டி.ஒய்.எஃப்.ஐ. தேசியத் தலைவர் பி.ஏ.முகமது ரியாஸுக்கும் இன்று 10:30 மணி அளவில் கேரள முதல்வரின் அதிகாரப்பூர்வ இல்லமான கிளிஃப் இல்லத்தில், கொரோனா தொற்றுப் பரவல் தடுப்ப வழிமுறைகளைப் பின்பற்றி நடைபெற்றது.
பாதுகாப்புக் காரணங்களுக்காக மிகக் குறைவான உறவினர்களே திருமண நிகழ்ச்சியில் பங்கேற்றனர்.
இவர்கள் இருவருக்கும் இது இரண்டாவது திருமணம் ஆகும். முகமது ரியாஸ் வழக்கறிஞராக உள்ளார். வீணா விஜயன் பெங்களூருவில் Exalogic Solutions Pvt Ltd என்ற ஸ்டார்ட் அப் நிறுவனத்தின் நிர்வாக இயக்குனராக உள்ளார்.
முகமது ரியாஸ் 2009 ஆம் ஆண்டு மக்களவை தேர்தலில் கோழிக்கோடு தொகுதியில் போட்டியிட்டு காங்கிரசின் எம்.கே.ராகவனிடம் 838 வாக்குகள் வித்தியாசத்தில் தோல்வியடைந்தார்.
இவர் ஓய்வு பெற்ற ஐ.பி.எஸ் அதிகாரி பி.எம். அப்துல் காதர் மற்றும் கே.எம்.அய்ஷாபி ஆகியோரின் மகனாவார்.