உளுந்தூர்பேட்டை அருகே திருப்பதி ஏழுமலையான் கோவில் அமைக்க நிலம் ஒதுக்கீடு – முதலமைச்சர் எடப்பாடி

கள்ளக்குறிச்சி மாவட்டம் உளுந்தூர்பேட்டை அருகே ஐந்தரை ஏக்கர் நிலத்தில் திருப்பதி ஏழுமலையானுக்கு கோயில் அமைக்க இடம் ஒதுக்கப்பட்டிருப்பதாக முதலமைச்சர் எடப்பாடி பழனிச்சாமி தெரிவித்துள்ளார். 

முதலமைச்சர் எடப்பாடி பழனிச்சாமி குடும்பத்துடன் திருப்பதியில் உள்ள ஏழுமலையானை தரிசனம் செய்தார்.

அங்கு அவருக்கு திருப்பதி தேவஸ்தானம் சார்பில் பூரண மரியாதை அளிக்கப்பட்டது. சுவாமி தரிசனம் செய்த பின்னர் செய்தியாளர்களிடம் பேசிய அவர்,

உளுந்தூர்பேட்டை அருகே ஏழுமலையான் கோவில் கட்டப்படும் என்று தெரிவித்தார். இதற்காக ஐந்தரை ஏக்கர் நிலம் பதிவு செய்யப்பட்டு திருப்பதி தேவஸ்தானத்திற்கு கொடுக்கப்பட்டுள்ளதாக அவர் தெரிவித்தார்.