காதலர் தினம் வந்தால் காதலர்களுக்கு கொண்டாட்டமோ இல்லையோ நிச்சயம் சிங்கிள்ஸ்களுக்கு திண்டாட்டம்.
கடந்த சில ஆண்டுகளாகவே காதலர் தினத்தன்று சமூக வலைதளங்களில் காதலர்களின் பதிவை விட சிங்கிள்ஸ்களின் பதிவுகள் தான் அதிகமாக உள்ளது.
குறிப்பாக 90 கிட்ஸ்களின் பதிவு.
இந்நிலையில் காதலர் தினத்தை முன்னிட்டு சிங்கிள்களுக்கு மதிப்பளிக்கும் வகையில் அடையார் ஆனந்தபவன் (A2B) சிங்கிள்ஸ்களுக்காகவே ஸ்பெஷல் தோசையை அறிமுகப்படுத்தியுள்ளது. வழக்கமாக நாம் சாப்பிடும் வெள்ளை மற்றும் பிரவுன் கலர் தோசை களுக்கு பதிலாக கருப்பு வண்ணத்தில் தோசையை அறிமுகம் செய்துள்ளது.
தோசை மாவுடன் ஆக்டிவேட்டட் சார்கோல் (Activated Charcoal) கலந்து இந்த தோசை வித்தியாசமாக கருப்பு கலரில் செய்யப்படுகிறது.
இதுகுறித்து கூறிய ஆனந்தபவன் நிர்வாகம் இந்த தோசை உடலுக்கு மிகவும் நல்லது இதிலுள்ள ஆக்டிவேட்டட் சார்கோல் நமது உடலில் உள்ள கெட்ட கொழுப்புகளை நீக்கும் தன்மை கொண்டது என கூறினர்.
அவ்வாறு இந்த சிங்கிள்ஸ் தோசை சாப்பிடுபவர்களுக்கு A2B நிர்வாகம் ஒரு கருப்புநிற பலூனையும் அளிக்கிறது.
லவ்வர்ஸ் டே சிங்கிள்களின் கருப்பு நாள் என்பதை குறிக்கும் வகையில் கருப்பு நிற தோசையும் இந்த கருப்பு பலூனையும் வழங்குகிறது.