சோழவந்தான், மண்ணச்சநல்லூர் தொகுதி அதிமுக எம்எல்ஏக்களுக்கு கோரொனா… 

சோழவந்தான்:-

சோழவந்தான் தொகுதி அதிமுக எம்எல்ஏ மாணிக்கத்திற்கு கோரொனா தொற்று உறுதி செய்யப்பட்டுள்ளது.

மதுரை மாவட்டம் சோழவந்தான் தொகுதி அதிமுக எம்எல்ஏ மாணிக்கத்துக்கு கோரொனா தொற்று உறுதி செய்யப்பட்டுள்ளது. இதையடுத்து அவர் மதுரை அப்போலோ மருத்துவமனையில் சிகிச்சைக்காக அனுமதிக்கப்பட்டுள்ளார்.

இதனிடையே கடந்த 6ம் தேதி மதுரை மாவட்ட ஆட்சித் தலைவர் அலுவலகத்தில் முதல்வர் எடப்பாடி பழனிசாமி நடைபெற்ற ஆலோசனைக் கூட்டத்தில் மாணிக்கம் எம்எல்ஏ கலந்து கொண்டார் என்பது குறிப்பிடத்தக்கது.

இதேபோல திருச்சி மாவட்டம் மண்ணச்சநல்லூர் தொகுதி அதிமுக எம்எல்ஏ பரமேஸ்வரிக்கும் கொரோனா உறுதி செயப்பட்டுள்ளது. இதைத்தொடர்ந்து திருச்சியில் உள்ள தனியார் மருத்துவமனையில் அனுமதிக்கப்பட்டுள்ளார்.