தமிழ்நாடு அரசு ஒவ்வொரு ஆண்டும் அரசு பொது விடுமுறை நாட்கள் குறித்த அட்டவணையை வெளியிடும். அதன்படி 2022-ம் ஆண்டுக்கான பொது விடுமுறை குறித்த தகவல் வெளியாகியுள்ளது.
தமிழ்நாடு அரசின் தலைமைச் செயலாளர் வெ.இறையன்புவின் ஒப்புதலோடு வெளியிடப்பட்டிருக்கும் பொது விடுமுறைகளின் பட்டியலில் மொத்தமாக 23 நாள்கள் பொது விடுமுறையாக அறிவிக்கப்பட்டுள்ளன.
ஸ்டாலினை தலைமையிலான தி.மு.க அரசு தமிழ்ப் புத்தாண்டாக எந்த தேதியை கடைபிடிக்கும் என்ற கேள்வி அனைவரிடத்திலும் எழுந்தது.
இந்நிலையில், 2022-ம் ஆண்டுக்கான அரசின் பொது விடுமுறை தேதிகளை குறிப்பிட்டு தமிழ்நாடு அரசு அறிவிப்பு வெளியிட்டுள்ள, பட்டியலில் ‘சித்திரை 1-ம் தேதி தமிழ்ப் புத்தாண்டு என்றும், தை 1 ஆம் தேதியை பொங்கல் என்றும் குறிப்பிட்டுள்ளது.
தமிழக அரசின் விடுமுறை பட்டியலில் 22 நாள்கள் அனைவருக்கும் பொருந்தும். 1 நாள் மட்டும் தமிழ்நாட்டில் உள்ள வணிக வங்கிகள், கூட்டுறவு வங்கிகள் ஆகியவற்றிற்கு மட்டும் பொருந்தும் விடுமுறையாக வழங்கப்படுகிறது.