அமெரிக்காவில் சிறிய அளவிலான மேலாடை அணிந்த பெண்ணுக்கு விமானத்தில் ஏற அனுமதி மறுக்கப்பட்ட சம்பவம் பரபரப்பை ஏற்படுத்தியுள்ளது.
அமெரிக்காவின் டென்வெரில் இருந்து நியூ ஜெர்சிக்கு செல்லும் விமானம் ஒன்றில் ஆண்ட்ரியா வேலட்வைட் என்ற பெண் பயணம் செய்ய விமான நிலையம் வந்தார்.
அப்போது அங்கிருந்த ஊழியர் ஒருவர், அவர் அளிந்திருந்த மேலாடை சிறியதாக இருப்பதாக கூறி விமானத்தில் ஏற அனுமதி மறுத்தார். இதனால் அவர்களிடம் வாக்குவாதம் செய்த ஆண்ட்ரியா பின் பயணம் செய்ய அனுமதிக்கப்பட்டார்.
இதுகுறித்து அவர் சமூகவலைத்தளத்தில் பதிவிட்ட கருத்தில், மிகப்பெரிய பணியில் இருக்கும் எனக்கு நேர்ந்த இந்த சம்பவம் மிகுந்த வேதனையையும், தர்மசங்கடமான நிலையையும் ஏற்படுத்தியுள்ளதாக தெரிவித்தார்.
இந்த சம்பவம் குறித்து விமான நிறுவனம் தெரிவிக்கையில், வாடிக்கையாளர்களுக்கு திருப்தியான சேவையை அளிக்க வேண்டும் என்பதே தங்களின் கொள்கை எனவும், இச்சம்பவம் குறித்து ஆண்ட்ரியாவுடன் பேசியதாகவும் கூறியுள்ளது.