வாஷிங்டன்:
உலகமே எதிர்பார்த்துக் காத்துக் கொண்டிருந்த அமெரிக்கா அதிபர் தேர்தல் முடிவுகள் தற்போது வெளியாகிக் கொண்டு இருக்கின்றது.
அமெரிக்க அதிபர் தேர்தலில் இன்று வாக்களிப்பதற்கு கடைசிநாள். ஏற்கனவே மொத்தம் உள்ள 25 கோடி வாக்காளர்களில் 9 கோடிக்கும் அதிகமான மக்கள் ஏற்கனவே வாக்களித்து முடித்து விட்டார்கள். இன்று வாக்களிப்பதற்கான கடைசி நாளாக இருக்கிறது. இதன் காரணமாக மக்கள் இன்று நள்ளிரவு முதலே வாக்களிக்க தொடங்கிவிட்டார்கள். அமெரிக்காவில் உள்ள மிகச்சிறிய மாநிலங்களில் ஒன்றான நியூ ஹாம்ஷையரில் இருக்கக்கூடிய 2 பகுதிகளுக்கான வாக்குப்பதிவு முடிவுகள் வெளியாகி இருக்கின்றன.
அங்குள்ள ஒரு சிறிய பகுதிகளில் 5 வாக்குகள் பதிவாகி இருக்கின்றன.இந்த 5 வாக்குகளும் ஜனநாயக கட்சியின் வேட்பாளரான ஜோ பிடனுக்கு கிடைத்திருக்கிறது. மற்றொரு பகுதியில் மொத்தம் இருக்கக்கூடிய 21 வாக்குகளில், 16 வாக்குகள் டிரம்ப்புக்கும், பிடனுக்கு 5 வாக்குகளும் கிடைத்திருக்கின்றன. ஆனால் இது ஒரு முதல்கட்ட முடிவுகள்தான்.
மொத்தம் இருக்கக்கூடிய 25 கோடி வாக்காளர்களில் கிட்டத்தட்ட 50 முதல் 55 சதவீத வாக்காளர்கள் வாக்கு பதிவு செய்வார்கள் என்று எதிர்பார்க்க படுகிறது. இன்று மொத்தம் 5 முதல் 6 கோடி பேர் வாக்களிப்பார்கள் என்று எதிர்பார்க்கப்படுகிறது. இந்திய நேரப்படி நாளை காலைக்கு பிறகே நாம் முழுமையான முடிவுகளை பார்க்க முடியும்.