வாஷிங்டன்:-
அண்மையில் அமெரிக்கா சென்றிருந்தார் ஆஸ்திரேலிய உள்துறை அமைச்சர் பீட்டர் டட்டன் ( Peter Dutton). இவர் அதிபர் ட்ரம்பின் மகள் இவாங்கா ட்ரம்ப் உள்ளிட்டோரை சந்தித்துப் பேசியிருந்தார்.
இந்நிலையில், தனக்கு கொரானா தொற்றியிருப்பது உறுதிப்படுத்தப்பட்டிருப்பதாக பீட்டர் டட்டன் நேற்று அறிவித்தார்.
ஆஸ்திரேலிய அமைச்சர் பீட்டர் டட்டனுக்கு (Peter Dutton) கொரானா பாதிப்பு உறுதியானதைத் தொடர்ந்து இவாங்கா டிரம்ப், அலுவலகம் செல்லாமல் வீட்டிலிருந்தே பணியாற்றி வருகிறார்.
எனினும் இவாங்காவுக்கு கொரானா அறிகுறிகள் ஏதும் இல்லை, அதனால் தற்போது அவர் தனிமைப்படுத்தப்பட்ட கண்காணிப்பில் வைக்கப்படவில்லை என்றும் வெள்ளை மாளிகை தெரிவித்துள்ளது.
சமீபத்தில்தான் அதிபர் ட்ரம்பை சந்தித்த பிரேசில் நாட்டு அதிபரின் செய்தி தொடர்பாளருக்கு கொரோனா காய்ச்சல் இருப்பது உறுதியானது குறிப்பிடதக்கது.