அமேசான் நிறுவனத்திலிருந்து ஜெஃப் போசோஸ் விலகல்

உலகின் மிகப்பெரும் வர்த்தக நிறுவனங்களில் ஒன்றான அமேசான் நிறுவனத்தின் தலைமைச் செயல் அதிகாரி ஜெஃப் பெசோஸ் தனது பதவியிலிருந்து விலகினார்.

ஜெஃப் பெசோஸ் பதவி விலகியதையடுத்து, புதிய தலைமை செயல் அதிகாரியாக ஆண்டி ஜெஸி நியமிக்கப்பட்டுள்ளார்.

1994ஆம் ஆண்டு இணையதளம் மூலம் புத்தக விற்பனையை தொடங்கிய ஜெஃப் பெசோஸிஸ் அமேசான் நிறுவனம் தற்போது உலகின் மிகப்பெரும் மின் வர்த்தக நிறுவனமாக திகழ்கிறது.

ஜெஃப் பெசோஸ், 20,180 கோடி டாலர் சொத்து மதிப்புடன் உலகின் இரண்டாவது பணக்காரராக உள்ளார்.

தற்போது அமேசான் நிறுவனத்திலிருந்து ஜெஃப் விலகியதையடுத்து, தனது ராக்கெட் தயாரிக்கும் நிறுவனமான ப்ளூ ஒரிஜன் நிறுவனத்தில் கவனம் செலுத்த திட்டமிட்டுள்ளார்.