சென்னை:-
சென்னை சேப்பாக்கம் மைதானத்தில் பயிற்சியின் போது தோனி 5 பந்துகளில் 5 சிக்ஸர் அடிக்கும்போது எடுக்கப்பட்ட வீடியோ வைரலாகி வருகிறது.
IPL 2020 தொடர் வரும் மார்ச் 29-ம் தேதி தொடங்கவுள்ளது. மும்பையில் நடைபெறும் முதல் போட்டியில் சென்னை-மும்பை அணிகள் மோதுகின்றன.
சென்னை-மும்பை அணிகளிடையேயான போட்டி எப்போதும் விறுவிறுப்பாக இருக்கும். எனவே இந்த ஆட்டம் அதிகளவு எதிர்பார்க்கப்படுகிறது.
சென்னை சூப்பர் கிங்ஸ் அணியின் வீரர்கள் சேப்பாக்கம் மைதானத்தில் தீவிர பயிற்சி மேற்கொண்டு வருகின்றனர். வீரர்கள் பயிற்சி பெறும் வீடியோக்கள் அவ்வபோது சமூக வலைதளங்களில் வெளியாகி வருகின்றன.
அந்த வகையில் சென்னை அணி கேப்டன் தோனி தீவிர பயிற்சியில் ஈடுபட்டு வருகிறார். இந்த பயிற்சியின் போது தோனி 5 பந்துகளில் 5 சிக்ஸர்கள் விளாசியுள்ளார்.
இந்த வீடியோவை ஸ்டார் போர்ட்ஸ் தமிழ் தனது டுவிட்டர் பக்கத்தில் வெளியிட்டுள்ளது. நீண்ட நாட்களுக்கு பிறகு தோனியின் இந்த ஃபார்மை பார்த்து சென்னை ரசிகர்கள் செம குஷியில் உள்ளனர்.
