டெஸ்லா நிறுவனத்தின் CEO எலோன் மஸ்க் தன் மகனுக்கு X Æ A-12 என்று பெயர் வைத்துள்ளார். இது இணையத்தில் பெரும் பேசுபொருளாகியுள்ளது.
டெஸ்லா நிறுவனத்தின் CEO எலோன் மஸ்க் (48) (Elon Musk) மற்றும் அவரது காதலியும் கனடா பாடகியுமான க்ரிம்ஸ்க்கு (32) (Grimes) (அவரது உண்மையான பெயர் க்ளேய்ர் பௌச்சர் (Claire Boucher))
நேற்று (மே 5) ஆண் குழந்தை பிறந்தது. அந்த குழந்தையின் புகைப்படத்தை தனது டிவிட்டர் பக்கத்தில் பதிவிட்டிருந்தார் எலோன் மஸ்க். அவருக்கு பலர் வாழ்த்து தெரிவித்த நிலையில், ஒருவர் குழந்தையின் பெயர் தெரியவேண்டும் என்று கேட்டிருந்தார்.
அதற்கு X Æ A-12 மஸ்க் என்று பதிவிட்டிருந்தார் எலோன் மஸ்க். எலோன் மஸ்கின் இந்த பதிவு இணையத்தில் வைரலாகியுள்ளது. பலர் இதற்கு என்ன அர்த்தம் என்பதுபோல கேட்டு வருகின்றனர்.
அதற்கு அவரது காதலி க்ரிம்ஸ் தனது டிவிட்டர் பக்கத்தில் இன்று விளக்கமளித்துள்ளார்.
ஆனாலும் அதுவும் புரியவில்லை என்பதுபோன்றே பலர் பதிவிட்டுவருகின்றனர். இது தொடர்பாக பல மீம்களும், ட்ரோல்களும் வெளியாகியுள்ளது.