வலிமை ஷூட்டிங்கில் அஜித் காயம்… ரசிகர்கள் கவலை

நடிகர் அஜித் நடித்து வரும் வலிமை படத்தின் படப்பிடிப்பில் அவர் காயமடைந்ததாக தகவல் வெளியாகியுள்ளது.

நேர்கொண்ட பார்வை படத்திற்கு பிறகு நடிகர் அஜித்- இயக்குநர் ஹெச்.வினோத் – தயாரிப்பாளர் போனிகபூர் ஆகியோர் இணைந்துள்ள படம் ‘வலிமை’ .

அஜித்தை தவிர படத்தில் பணியாற்றுபவர்களின் விபரங்கள் ரகசியமாக வைக்கப்பட்டுள்ளது. இந்த படம் தீபாவளிக்கு வெளியாகும் என தெரிவிக்கப்பட்டுள்ளது.

விறுவிறுப்பாக நடைபெறும் இப்படத்தின் படப்பிடிப்பில் அஜித்துக்கு காயம் ஏற்பட்டதாக கூறப்பட்டுள்ளது. படத்தில் இடம் பெறும் பைக் சேஸிங் காட்சியின் போது காயமடைந்தாக தகவல் வெளியானது.

இதனையறிந்த அஜித் ரசிகர்கள், அவர் விரைவில் குணமடைய வேண்டி பிரார்த்தித்து வருகின்றனர். மேலும் ட்விட்டரில் #GetWellSoonTHALA என்ற ஹேஸ்டேக்கும் ட்ரெண்டிங்கில் உள்ளன.