நடிகர் கவின் சின்னத்திரை தொடர் மற்றும் பிக் பாஸ் நிகழ்ச்சிகளின் மூலம் மக்களிடையே பிரபலமடைந்தார். கடந்த 2017 ஆம் ஆண்டு இயக்குனர் சிவகுமார் இயக்கத்தில் “நட்புன்னா என்னானு தெரியுமா” படத்தின் மூலம் தமிழ் சினிமாவில் நடிகராக அறிமுகமானார்.
இந்த படம் வெளியாகி கலவையான விமர்சனங்களை பெற்றாலும் ரசிகர்களிடையே நல்ல வரவேற்பினை பெற்றது. இதனையடுத்து நடிகர் கவின் “லிஃப்ட்” என்ற புதிய படத்தில் நடித்து வருகிறார். அறிமுக இயக்குனர் வினித் இயக்கும் இப்படத்தில் கவினுக்கு ஜோடியாக அம்ரிதா ஐயர் நடித்து வருகிறார். அண்மையில் படத்தை ஃபர்ஸ்ட் லுக் போஸ்டர் வெளியாகி நல்ல வரவேற்பினை பெற்ற நிலையில் தற்போது லிஃப்ட் படத்தின் மோஷன் போஸ்டர் வெளியாகியுள்ளது.
தமிழ் சினிமாவின் முன்னணி இயக்குநர்களான லோகேஷ் கனகராஜ், நெல்சன் திலீப் குமார், வெங்கட் பிரபு, விக்னேஷ் சிவன், அஜய் ஞானமுத்து, ரவிக்குமார் ஆகியோர் இணைந்து வெளியிட்டுள்ள இந்த மோஷன் போஸ்டர் அனைவரின் கவனத்தையும் ஈர்த்து வருகிறது.