பிரபல மலையாள வில்லன் நடிகர் ரிசபாவா காலமானார். அவருக்கு வயது 60.
1990 ஆம் ஆண்டில், இயக்குனர் ஷாஜி கைலாஸ் இயக்கத்தில் உருவான, “டாக்டர் பசுபதி” திரைப்படம் மூலம் ரிசபாவா அறிமுகமானார்.
அதே ஆண்டில் சித்திக் – லால் கூட்டணியில் உருவான ‘இன் ஹரிஹர நகர்’ படத்தில், நடிகர் ரிசபாவா நடித்த ஜான் ஹோனாய் கதாபாத்திரம் மிகவும் பிரபலமானது .
இந்நிலையில் சிறுநீரக தொற்று காரணமாக கொச்சியில் உள்ள தனியார் மருத்துவமனையில் சிகிச்சை பெற்று வந்த ரிசபாவா சிகிச்சை பலனின்றி உயிரிழந்தார்.
110-க்கும் அதிகமான திரைப்படங்களில் நடிகர் ரிசபாவா நடித்துள்ள இவர் படங்களில் பின்னணிக் குரல் கொடுப்பவராகவும் தனது திறமையை அவர் வெளிப்படுத்தினார். 2010 ஆம் ஆண்டில், “கர்மயோகி” படத்தில் பின்னணிக் குரல் கொடுத்ததற்கு, மாநில அரசின் விருதை நடிகர் ரிசபாவா வென்றுள்ளார்.
நடிகர் ரிசபாவின் மறைவால், கேரள திரையுலகத்தினர் அதிர்ச்சியில் ஆழ்ந்துள்ளனர். அவருக்கு குடும்பத்திற்கு தங்களது இரங்கலை தெரிவித்து வருகின்றனர்.