‘புதிய மாற்றங்கள் வரட்டும்’ பினராயிக்கு மோகன் லால் வாழ்த்து !

கடந்த மார்ச் மாதம் தமிழகத்தை போலவே  கேரளா உள்ளிட்ட ஐந்து மாநிலங்களுக்கு சட்டப்பேரவை தேர்தல் நடைபெற்றது. பல்வேறு கட்டங்களாக நடைபெற்ற வாக்குப்பதிவு மே 2 ஆம் தேதி எண்ணப்பட்டு முடிவுகள் அறிவிக்கப்பட்டது.

அதில் கேரள மாநிலத்தில் பினராயி விஜயன் தலைமையிலான மார்க்சிஸ்ட் கம்யூனிஸ்ட் கட்சியின் கூட்டணி வெற்றி பெற்றது. இதன் மூலம் கேரளாவில் இரண்டாவது முறையாக பினராயி விஜயன் முதல்வராக பதவி ஏற்றுக்கொண்டார். இதனையடுத்து பினராயி விஜயனுக்கு பலரும் வாழ்த்து தெரிவித்து வருகின்றனர். 

அந்த வகையில்  நடிகர் மோகன்  லால் பினராயி விஜயனுக்கு வாழ்த்து தெரிவித்துள்ளார். இது தொடர்பாக அவர் வெளியிட்ட ட்விட்டர் பதிவில், “மாண்புமிகு முதலமைச்சர் பினராயி விஜயன் தலைமையிலான கேரள அரசுக்கு அனைத்து நல்வாழ்த்துக்களும். எல்லா துறைகளிலும் நல்ல மற்றும் புதிய மாற்றங்கள் வரட்டும், கேரளா தொடர்ந்து உலகிற்கு ஒரு முன்மாதிரியாக இருக்கட்டும்” எனக் குறிப்பிட்டுள்ளார்.