நடிகர் சாந்தனு மாஸ்டர் படத்தை தொடர்ந்து அறிமுக இயக்குநர் ஸ்ரீஜர் இயக்கும் புதிய படத்தில் நடித்து வருகிறார். இப்படத்தில் இவருக்கு ஜோடியாக அதுல்ய ரவி நடித்து வருகிறார். முருங்கைக்காய் சிப்ஸ் என பெயரிடப்பட்டுள்ள இப்படத்தில் யோகி பாபு, மனோபாலா, பாக்யராஜ் உள்ளிட்டோர் முக்கியக் கதாபாத்திரத்தில் நடித்து வருகின்றனர். தருண் குமார் இசையமைக்கும் இப்படத்தை லிப்ரா புரொடக்சன்ஸ் சார்பாக ரவீந்தர் சந்திரசேகர் தயாரித்து வருகிறார்.
படத்தின் ஃபர்ஸ்ட் லுக் மற்றும் முதல் சிங்கிள் பாடல் வெளியாகி நல்ல வரவேற்பை பெற்ற நிலையில் படத்தின் டிரைலர் வெளியீட்டு தேதியை படக்குழு அறிவித்துள்ளது. அதன்படி முருங்கைக்காய் சிப்ஸ் படத்தின் ட்ரைலர் இன்று மாலை 4.32 மணிக்கு வெளியாகும் என அறிவிக்கப்பட்டுள்ளது.
இதனிடையே நடிகர் சாந்தனு ராவணக்கோட்டம் என்ற படத்தில் நடித்து வருகிறார். இப்படத்தின் படப்பிடிப்பு முழு வீச்சில் நடைபெற்ற நிலையில் கொரோனா பரவல் காரணமாக இப்படத்தின் படப்பிடிப்பு தற்போது நிறுத்தப்பட்டுள்ளது என்பது குறிப்பிடத்தக்கது.
#murungaikkaichips #Bakkyaraj #shanthanu #Tamilcinema #cinema #cinemanews #cinematrending #AthulyaRavi #TamilThisai #TamilMovie