இயக்குனர் ஆர் கண்ணன் ஜெயங்கொண்டான், கண்டேன் காதலை, வந்தான் வென்றான், சேட்டை, இவன் தந்திரன் போன்ற பல படங்களை இயக்கியதன் மூலம் இவருக்கென ஒரு தனி இடத்தை தமிழ் சினிமாவில் பிடித்துள்ளார்.
இந்நிலையில்தான் இவர் கடைசியாக இயக்கி வெளியான படம் பூமராங், அதனையடுத்து “தள்ளிப்போகாதே” என்ற பெயரில் நடிகர் அதர்வாவை வைத்து புதிய படத்தினை இயக்கி வருகிறார். இப்படத்தில் அதர்வாவுக்கு ஜோடியாக அனுபமா பரமேஸ்வரன் நடித்துள்ளார். இப்படம் 2017 ஆம் ஆண்டு நானி நடிப்பில் தெலுங்கில் வெளியாகி ஹிட் அடித்த “நின்னு கோரி” என்ற படத்தின் தமிழ் ரீமேக் என்பது குறிப்பிடத்தக்கது.
இந்நிலையில் சந்தானம் நடிப்பில் ‘பிஸ்கோத்’ திரைப்படத்தையும், அதர்வா நடிப்பில் தள்ளிப்போகாதே என இரு படங்களையும் அவர் இயக்கி வந்தார். சந்தானம் நடிப்பில் தயாரான ‘பிஸ்கோத்’ திரைப்படம் சமீபத்தில் வெளியாகி கலவையான விமர்சனங்களைப் பெற்றது.
இந்தநிலையில் “தள்ளிப் போகாதே” படத்தின் ரிலீஸ் பற்றி அறிவிப்பை படக்குழு தற்போது வெளியிட்டுள்ளது. அதன்படி இப்படமானது வரும் ஜனவரி மாதம் திரையரங்குகளில் வெளியாக உள்ளது, மேலும் இப்படத்தின் பாடல்கள் விரைவில் வெளியாகும் என படக்குழு தெரிவித்துள்ளது.