டோக்கியோ:
டோக்கியோ பாரா ஒலிம்பிக்ஸ் துப்பாக்கிச்சுடுதல் 10 மீட்டர் பிரிவில் நடந்த போட்டியில் ராஜஸ்தான் மாநிலம் ஜெய்ப்பூரைச் சேர்ந்த இந்திய வீராங்கனை அவனி லெகாரா தங்கம் வென்றார். இதன் மூலம் பாரா ஒலிம்பிக்சில் இந்தியாவுக்கு முதல் தங்கம் பதக்கம் கிடைத்துள்ளது.
இப்போட்டியில் 249.6 புள்ளிகள் பெற்றதன் மூலம் உலக சாதனையை அவனி லெகாரா சமன் செய்தார் என்பது குறிப்பிடத்தக்கது.
அதுபோன்று டோக்கியோ பாரா ஒலிம்பிக்ஸ் வட்டு எறிதல் போட்டியில் டெல்லியைச் சேர்ந்த இந்திய வீரர் யோகேஷ் கத்தூனியா வெள்ளி வென்றார். இறுதிப் போட்டியில் 44.38மீ தூரம் வட்டு எறிந்து 2-வது இடத்தை யோகேஷ் கத்தூனியா வென்றார்.
டோக்கியோ பாரா ஒலிம்பிக்ஸ் இந்தியாவின் பதக்கப் பட்டியல்
மகளிர் 10 மீட்டர் ஏர் ரைபிள் பிரிவில் இந்திய வீராங்கனை அவனி லெக்ரா தங்க பதக்கம்
டேபிள் டென்சில் இந்திய வீராங்கனை பவினா வெள்ளி பதக்கம்
வட்டு எறிதலில் இந்திய வீரர் யோகேஷ் கத்துனியா வெள்ளி பதக்கம்
உயரம் தாண்டுதலில் இந்திய வீரர் நிஷாத் குமார் வெள்ளி பதக்கம்
வட்டு எறிதல் போட்டியில் இந்திய வீரர் வினோத் குமார் வெண்கல பதக்கம்
டோக்கியோ பாரா ஒலிம்பிக்ஸ் இந்தியா 5 பதக்கங்கள் பெற்றுள்ளது குறிப்பிடத்தக்கது.