தமிழகத்தில் இந்தாண்டு சட்டமன்ற தேர்தல் வரவுள்ள நிலையில் தமிழக தேர்தல் களம் சூடுபிடிக்க துவக்கியுள்ளது. அனைத்து கட்சி தலைவர்களுக்கும் தேர்தலில் வெற்றி பெறுவதற்கான நடவடிக்கைகளையும் எடுத்து வருகின்றனர். இந்நிலையில் பாஜக அதன் கட்சியைத் தமிழகத்தில் பலப்படுத்த முக்கிய பிரபலங்களைத் தனது கட்சியில் இணைத்து வருகிறது.
அந்தவகையில் நடிகர் சிவாஜி கணேசனின் மூத்த மகன் ராம்குமார் பாஜகவின் நாளை இணையுள்ளதாக தகவல் வெளியாகியுள்ளது. ராம்குமார் இன்று தமிழக பாரதிய ஜனதா கட்சி தலைவர் முருகனை கமலாலயத்தில் சந்தித்தார். அதன் பின்னை செய்தியாளர்களை சந்தித்த அவர், ” பிரதமர் நரேந்திர மோடியின் செயல்பாடுகளால் ஈர்க்கப்பட்டதால் அக்கட்சியின் இணைந்து பணியாற்ற உள்ளதாகத் தெரிவித்தார்.
இந்நிலையில் காங்கிரஸிலிருந்து நீக்கப்பட்ட தென்சென்னை மாவட்ட முன்னாள் தலைவரும், சென்னை மாநகராட்சியின் முன்னாள் துணை மேயருமான கராத்தே தியாகராஜன், நாளை பாஜகவில் இணையவுள்ளார் என்பது குறிப்பிடத்தக்கது.