சென்னை மாநகராட்சி தேர்தலில் மேயர் வேட்பாளராக கனிமொழியை அறிவிக்க வாய்ப்பு உள்ளதாக தகவல்கள் வெளியாகியுள்ளது.
சென்னை மாநகராட்சியில் உள்ள 200 வார்டுகளில், 101 வார்டுகள் பெண் வார்டுகளாக மாற்ற்றப்பட்டுள்ளது. இதில் ஆண் வார்டுகளை விட பெண் வார்டு கூடுதலாக அமைந்துள்ளதால், சென்னை மேயர் பதவிக்கு பெண்களுக்கு ஒதுக்கீடு செய்ய வாய்ப்பு உள்ளது.
நீண்ட பழமைவாய்ந்த சென்னை மேயர் வரலாற்றில் இதுவரை பெண் மேயர் இடம் பெறவில்லை. கடந்த 1996ம் ஆண்டில், சென்னை மேயராக முதல்வர் ஸ்டாலின் முதல் முறையாக பொறுப்பு வகித்த போது, துணை மேயர் பதவி தலித் சமுதாய பெண்ணிற்கு ஒதுக்கப்பட்டது.
இந்த குறையை போக்குவதற்கும், பெண்களுக்கு இடஒதுக்கீட்டில் சம உரிமை தி.மு.க., வழங்குகிறது என்பதை பறை சாற்றவும் இந்த முறை பெண் மேயர் தேர்வு செய்ய வாய்ப்பு உள்ளதாக தி மு க வட்டாரங்கள் தெரிவிக்கின்றன.
மாநில தேர்தல் ஆணையம் அறிவிப்பில், சென்னை பெண் மேயர் என இடம் பெற்றால், தி.மு.க., சார்பில்
மகளிர் அணி செயலர் கனிமொழியை, சென்னை மேயர் பதவிக்கு போட்டியிட வைக்க வேண்டும் என, மகளிர் அணி நிர்வாகிகள் விரும்புகின்றனர் என்பது குறிப்பிடத்தக்கது.